Keler jyldary teńizdiń qurǵaǵan ultanynda 213,1 myń gektar jerge 177,5 mln aǵash egý josparlanǵan. Bul týraly Úkimet otyrysynda Qyzylorda oblysynyń ákimi Gúlshara Ábdiqalyqova aitty, dep habarlaidy "Ult aqparat".
«Qyzylorda óńirinde ekologiia – asa ózekti másele. Bul másele Aral teńiziniń qurǵaý saldarymen bailanysty. Búginde Aral teńiziniń qurǵaǵan ultanynyń jalpy kólemi 6 mln gektardy qurasa, onyń 2,5 mln gektary Qazaqstan aýmaǵyna tiesili. Ekologiialyq jaǵdaidy jaqsartý maqsatynda sońǵy 29 jylda teńiz ultanynyń qazaqstandyq bóliginde 194 myń gektar sekseýil jáne basqa da gallaktivti ósimdikter kóshetterin egý jumystary júrgizildi. Bul kóshetter qazirgi ýaqytta tabiǵi túrde ósip, kóbeiýde», - deidi Qyzylorda oblysynyń ákimi Gúlshara Ábdiqalyqova.
Onyń aitýynsha, Qyzylordadaǵy ormandardy molyqtyrý jáne orman ósirý kólemin ulǵaitýdyń qadamdyq jospary biyl qarasha aiynda bekitildi.
«Osy josparǵa sáikes, keler jyldary teńizdiń qurǵaǵan ultanynda 213,1 myń gektar jerge 177,5 mln aǵash egýdi josparlap otyrmyz. Sondai-aq, orman molyqtyrý jumystaryna jáne eldi mekenderge qajetti aǵash egý maqsatynda orman tuqym baqtarynyń kólemi 100 gektarǵa ulǵaitylady.bul jumystarǵa aldaǵy 5 jylda oblystyq biýdjetterden 1,1 mlrd teńge qarjy qaralady. Degenmen, qazirgi tańda aimaqtaǵy orman sharýashylyǵy mekemeleriniń materialdyq tehnikalyq bazasy tómen ekenin aita ketý kerek. Sonymen qatar, qajetti tehnika men qural-jabdyqtar satyp alýǵa biz qosymsha respýblikalyq biýdjetke 1,8 mlrd teńge qarjy bólý týraly biýdjettik ótinim joldadyq», - deidi ol.
