QR Qarjy ministri Erulan Jamaýbaev Prezident tapsyrmalaryn eskere otyryp, respýblikalyq biýdjetke túzetýler qashan engiziletinin aitty, dep habarlaidy "Ult aqparat".
«2020 jyldyń biýdjetine tiisti túzetýlerdi jaqyn arada daiarlaýdy josparlap otyrmyz. Shamamen qyrkúiek aiynyń sońynda jáne qazan aiynyń basynda Májiliske engizemiz», - dedi ministr Úkimet úiindegi baspasóz máslihatynda.
Osy oraida E. Jamaýbaev túzetýlerde Memleket basshysynyń tapsyrmalary eskeriletinin atap ótti.
«Joldaýda qamtylǵan Prezidenttiń barlyq tapsyrmalary biyldyń biýdjetinde jáne 2021-2023 jyldardaǵy úshjyldyq biýdjette eskeriledi», - dedi ministr.
