Biyl Qostanai oblysyna 1700-ge jýyq adam kóship keledi. Olarmen áleýmettik kelisimsharttar jasalady, dep habarlaidy "Ult aqparat".
Oblystyq Jumyspen qamtýdy úilestirý jáne áleýmettik baǵdarlamalar basqarmasynyń málimetine súiensek, biyl Qostanai oblysynda eńbek resýrstaryn ońtailandyrýdy kózdeitin óńirlik kvotaǵa 1651 adam ilikken. Onyń ishinde 1 myńnan astamy qonys aýdarýshy, «Serpin» áleýmettik baǵdarlamasynyń 36 túlegi jáne shet elden oralǵan 350 qandasymyz bar.
«Qostanaiǵa qonys aýdarýshylardyń deni – Túrkistan, Jambyl, Qyzylorda, Almaty, Mańǵystaý oblystarynan. Al qandas aǵaiyndar Ózbekstan memleketinen keledi. Kóship kelýshi azamattarmen áleýmettik kelisimsharttar jasalýda. Kóshýge, turǵyn úidi jalǵa alýǵa nemese satyp alýǵa sýbsidiia tólenedi. Ekonomikalyq belsendi degen qandastar men qonys aýdarýshylar jumysqa ornalastyrylady. Ótken jyly Qostanai oblysynda 1700-ge jýyq qonys aýdarýshy men oralman turaqty oryn tapty», - dep málimet berdi basqarmadan.
Buǵan deiin shetelden elimizge kóship keletin qazaqtardyń qujattary, memleketten beriletin kómekter «bir tereze» qaǵidatymen rásimdeletinin habarlaǵan bolatynbyz.
