Elimizde kómir baǵasy óńirlerge bailanysty tonnasyna 5 myńnan 19 myń teńgege deiin aýytqidy. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«Kómir baǵasy naryqtyq qatynasta qalyptasatynyn jáne memleket tarapynan rettelmeitinin aita ketý qajet. Ákimdikterdiń aqparaty boiynsha óńirlerdegi kómirdiń quny tonnasyna 5 myń teńgeden 19 myń teńgege deiin ózgeredi. Bul eń aldymen kómirdiń markasyna, óndirý shyǵyndary men jetkizý qashyqtyǵyna bailanysty», - dedi ministr.
Onyń atap ótýinshe, aldaǵy jylytý maýsymynda kommýnaldyq-turmystyq jáne turǵyndar úshin qajetti kómir kólemi shamamen 9,2 mln tonnany quraidy.
Onyń ishinde kommýnaldyq-turmystyq sektorǵa - 2,8 mln tonna, halyqqa 6,4 mln tonna kómir qajet.
