Biyl HQO arqyly 1,5 myń adamǵa sporttyq ataq-dáreje rásimdeldi, dep habarlaidy "Ult aqparat" Azamattarǵa arnalǵan úkimet» memlekettik korporatsiiasyna silteme jasap.
Elimizde tamyz aiynyń úshinshi jeksenbisi Sport kúni retinde belgilengen. Osy mereke qarsańynda «Azamattarǵa arnalǵan úkimettiń» front ofisteri arqyly qansha sportshy ataq pen sanatqa ie bolǵany eseptelip, bul tarapta biylǵy jeti ai ishinde 1 544 memlekettik qyzmet kórsetilgeni anyqtaldy.
«QR eńbek sińirgen jattyqtyrýshysy», «QR eńbek sińirgen sport sheberi», «QR halyqaralyq dárejedegi sport sheberi», «Biliktiligi joǵary deńgeidegi joǵary sanatty jattyqtyrýshy», «Joǵary sanatty ulttyq sport tóreshisi», «Ulttyq sport tóreshisi» jáne taǵy basqa da birqatar ataq-sanattardy berý týraly memlekettik qyzmetterdi alý úshin tapsyrylatyn qujattardyń tizimi ataq-sanattyń dárejesine qarai ártúrli. Onyń ústine bul qyzmetter birneshe kezeńnen turatyndyqtan, merzimi de 24 jumys kúnge jetedi», delingen habarlamada.
Sporttyq ataq pen sanattarǵa qatysty qyzmetter jeke tulǵalarǵa tegin kórsetiledi. Nátijesinde qyzmet alýshynyń qolyna HQO-da sporttyq ataq berý týraly kýálik nemese biliktilik sanatyn berý týraly kýálik, tiisti tósbelgi nemese sport ataǵy men biliktilik sanatyn berý týraly buiryqtyń kóshirmesi nemese dáleldi bas tartý týraly jaýap usynylady.
Aita ketý kerek, azamattar sporttyq ataq pen sanattardy Halyqqa qyzmet kórsetý ortalyqtarynda ǵana emes, sondai-aq sport jáne dene shynyqtyrý salasyndaǵy ókiletti organ men egov.kz elektrondyq portaly arqyly da rásimdei alady.
