Biyl munai ónimderin birjalyq saýdaǵa kezeń-kezeńmen shyǵarý josparlanyp otyr. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy "Ult aqparat".
«2021 jyly otyn-energetika kesheni kórsetkishterine qol jetkizý kelesi jobalar men bastamalar arqyly qamtamasyz etiledi. Qarashyǵanaq ken ornyn keńeitý jobasynda gazdy keri aidaý 4-shi kompressorynyń jobasy aiaqtalýda. Bul óz kezeginde suiyq ónimdi óndirýdi jylyna 11-12 mln tonna deńgeiinde ustap turýǵa múmkindik beredi», - dedi ministr.
Onyń atap ótýinshe, Pavlodar jáne Shymkent munai óńdeý zaýyttaryn turaqty munaimen qamtamasyz etýge baǵyttalǵan, ótkizý múmkinshiligi jylyna 6 mln tonnaǵa deiin bolatyn «Keńqiiaq-Atyraý» munai qubyry reversi paidalanýǵa beriledi.
«Sonymen qatar, biyl munai ónimderin birjalyq saýdaǵa kezeń-kezeńmen shyǵarý josparlanýda, bul munai ónimderine ádil jáne ashyq baǵa belgileýdi qamtamasyz etedi», - dedi Nurlan Noǵaev.
