Biyl Qazaqstanda janýarlar men qustarǵa 150 mln-nan astam ekpe salynady, dep habarlaidy "Ult aqparat" AShM baspasóz qyzmetine silteme jasap.
«Janýarlardyń asa qaýipti aýrýlarynyń aldyn alý jáne diagnostikalaý jónindegi veterinariialyq is-sharalar josparyna sáikes, 2021 jyly janýarlar men qustardy vaktsinalaý boiynsha 151 mln-nan astam manipýliatsiia, sondai-aq 68 mln-nan astam diagnostikalyq zertteýler júrgiziletin bolady.
Qazaqstan aýmaǵyn basqa memleketterden janýarlardyń juqpaly jáne ekzotikalyq aýrýlarynyń taralýynan qorǵaý, veterinariialyq-sanitariialyq qaýipsizdikti qamtamasyz etý, halyqtyń densaýlyǵyn janýarlar men adamǵa ortaq aýrýlardan qorǵaý úshin respýblikanyń veterinariialyq qyzmeti veterinariialyq-profilaktikalyq is-sharalar uiymdastyryp, maldy ýaqtyly diagnostikalaý jáne vaktsinalaý jumystaryn júrgizedi», delingen habarlamada.
QR Aýyl sharýashylyǵy ministrliginiń veterinarlyq baqylaý jáne qadaǵalaý komiteti osyǵan bailanysty jyl saiynǵy immýndyq aldyn alý is-sharalaryn júrgizý úshin sertifikattalǵan veterinariialyq preparattarmen qamtamasyz etedi.
«Halyqaralyq Epizootiialyq biýronyń tizilimine túrli aýrýlar men infektsiialardyń 88 túri engizilgen. Qazaqstandyq tizilimde tek 68 túri tirkelgen. Olar bizdiń elimizde Keńes odaǵy kezinen beri kele jatyr.
Qazirgi ýaqytta onyń 45 túri boiynsha epizootiialyq jaǵdaiy turaqty. Al, 23 túrine diagnostika jáne vaktsinalaý boiynsha arnaiy veterinariialyq-profilaktikalyq is-sharalar júrgizilip jatyr.
Onyń ishinde janýarlar men qustardy vaktsinalaý boiynsha 151,1 mln manipýliatsiia, sondai-aq 68,1 mln diagnostikalyq zertteýler júrgizý josparlanyp otyr», delingen habarlamada.
Mnistrliktiń habarlaýynsha, tiisti jumysty jergilikti atqarýshy organdar janyndaǵy memlekettik veterinariialyq uiym biyl aqpan-naýryz ailarynda bastaidy.
