2019 jyldyń 9 aiynda Qazaqstanda 33 500 avtokólik shyǵaryldy. Olardyń arasynda jeńil jáne júk kólikteri, avtobýs tehnikasy men arnaiy mashinalar da bar. Bul týraly "Ult aqparat"«QazAvtoÓnerkásipke» silteme jasap habarlaidy.
Esepti kezeńde Qazaqstanda qurastyrylǵan kólikterdiń jalpy quny 229 mlrd teńgege baǵalanyp otyr. Jalpy, jeńil avtomobil óndirý 41,2 paiyzǵa ósip, 29 846-ǵa jetti.
Jyl basynan beri otandyq avtozaýyttar 29 693 kólikti ótkizip, bul kórsetkish byltyrǵa qaraǵanda 43,6 paiyzǵa joǵary boldy.
Toǵyz aidyń qorytyndysy boiynsha jergilikti óndiristegi avtomobilderdi satyp alýǵa turǵyndar 208,6 mlrd teńge jumsap, osy soma bir jyl burynǵy deńgeiden 73,7 paiyzǵa joǵary boldy.
Atalǵan merzimde Qazaqstanda qurastyrylǵan jeńil kólikterdiń arasynda suranysqa ie brendterdiń bestigine Lada (10 913 kólik), Hyundai (9 954), KIA (2 339), Ravon (1 561) jáne Skoda (790) endi.
Otandyq kásiporyndar usynatyn markalardyń tiziminde JAC (658 kólik), Chevrolet (617), UAZ (294), sondai-aq Peugeot (29) bar ekenin atap ótken jón.
