2021 jyly bilim granttarynyń sany 5 myńǵa artady, dep habarlaidy "Ult aqparat".
2021 jyly bilim granttarynyń sany 5 myńǵa artady. Bul týraly búgin QR Prezidenti janyndaǵy Ortalyq kommýnikatsiialar qyzmeti alańynda ótken brifingte Bilim jáne ǵylym ministri Ashat Aimaǵambetov málimdedi.
«Kelesi oqý jylyna bakalavriat baǵdarlamasy boiynsha 51 561 grant bólindi, onyń ishinde «Serpin» baǵdarlamasy da bar. Sonymen qatar Nur Otan partiiasynyń sailaýaldy baǵdarlamasyn júzege asyrý jónindegi jol kartasy sheńberinde taǵy 5000 grant bólý qarastyrylǵan. Bakalavriat baǵdarlamasy boiynsha granttyń jalpy sany - 56 561. Magistratýra boiynsha - 13 263, doktorantýra – 1890. Kadr daiarlaýǵa arnalǵan granttar qajetti baǵyttar boiynsha bólinedi», – dep atap ótti vedomstvo basshysy.
Sondai-aq Ashat Aimaǵambetov joǵary bilimniń qoljetimdiligin arttyrý úshin 2025 jylǵa deiin grant sany 50%-ǵa artatynyn atap ótti.
Aita ketken jón, jyl saiyn jas ǵalymdarǵa 1000 grant bólinedi.
Al 500 qazaqstandyq ǵalym «Bolashaq» baǵdarlamasy aiasynda tanymal álemdik ǵylymi ortalyqtarǵa taǵylymdamadan ótýge jiberiledi.
