2019 jyly Qazaqstanda 90,4 mln tonna munai óndiriledi. Bul týraly Energetika vitse-ministri Áset Maǵaýov málimdedi, dep habarlaidy QazAqparat.
«Aldyn ala qorytyndy boiynsha, biyl shamamen 90,4 mln tonna munai óndiriledi. Osylaisha 2018 jylǵy rekordty (90,36 mln tonna) qaitalaimyz. Munai salasy úshin mundai óndirý deńgeiin saqtaý – jaqsy jetistik. Bul rette biyl úsh iri jobada: Teńiz ben Qarashyǵanaqta kúrdeli jóndeý, al Qashaǵanda alǵash ret kúrdeli jóndeý jumystary bolǵanyn eskergen jón. Biraq, jóndeý kezinde negizgi óndiris toqtaǵanyna qaramastan, óndirý deńgeiin qalpyna keltirip, ulǵaita aldyq», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, 2017 jyldan bastap jyl saiyn oń dinamika baiqalyp keledi. 2016 jyldyń sońynda Qashaǵandy iske qosqan soń, munai óndirý isi jańa deńgeige shyqty. Bir jyldyq óndirý 2017 jyly 8 mln tonnaǵa ósip, 86,2 mln tonnany qurady. Al 2018 jyly óndirý deńgeii 4 mln tonnaǵa ósip, 90,36 mln tonna boldy.
