2019 جىلى قازاقستاندا 90,4 ملن توننا مۇناي ٶندٸرٸلەدٸ. بۇل تۋرالى ەنەرگەتيكا ۆيتسە-مينيسترٸ ەسەت ماعاۋوۆ مەلٸمدەدٸ, دەپ حابارلايدى قازاقپارات.
«الدىن الا قورىتىندى بويىنشا, بيىل شامامەن 90,4 ملن توننا مۇناي ٶندٸرٸلەدٸ. وسىلايشا 2018 جىلعى رەكوردتى (90,36 ملن توننا) قايتالايمىز. مۇناي سالاسى ٷشٸن مۇنداي ٶندٸرۋ دەڭگەيٸن ساقتاۋ – جاقسى جەتٸستٸك. بۇل رەتتە بيىل ٷش ٸرٸ جوبادا: تەڭٸز بەن قاراشىعاناقتا كٷردەلٸ جٶندەۋ, ال قاشاعاندا العاش رەت كٷردەلٸ جٶندەۋ جۇمىستارى بولعانىن ەسكەرگەن جٶن. بٸراق, جٶندەۋ كەزٸندە نەگٸزگٸ ٶندٸرٸس توقتاعانىنا قاراماستان, ٶندٸرۋ دەڭگەيٸن قالپىنا كەلتٸرٸپ, ۇلعايتا الدىق», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, 2017 جىلدان باستاپ جىل سايىن وڭ ديناميكا بايقالىپ كەلەدٸ. 2016 جىلدىڭ سوڭىندا قاشاعاندى ٸسكە قوسقان سوڭ, مۇناي ٶندٸرۋ ٸسٸ جاڭا دەڭگەيگە شىقتى. بٸر جىلدىق ٶندٸرۋ 2017 جىلى 8 ملن تونناعا ٶسٸپ, 86,2 ملن توننانى قۇرادى. ال 2018 جىلى ٶندٸرۋ دەڭگەيٸ 4 ملن تونناعا ٶسٸپ, 90,36 ملن توننا بولدى.
