Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysy barysynda memlekettik-jekeshelik áriptestik jobalaryn iske asyrý barysy, sondai-aq «Baǵdarlamalyq MJÁ» engizýdiń perspektivaly salalary qaraldy, dep habarlaidy "Ult aqparat" Úkimet basshysynyń baspasóz qyzmetine silteme jasap.
QR ulttyq ekonomika ministri Timýr Súleimenov jalpy 139,5 mlrd teńge somaǵa 116 MJÁ kelisimsharty jasalǵanyn baiandady. 70 mlrd teńge somaǵa 53 nysan paidalanýǵa berildi, 69,5 mlrd teńge somaǵa taǵy 63 nysan salynyp jatyr. Olardyń ishinde 45 bilim berý nysany, 27 densaýlyq saqtaý, 17 mádeniet jáne sport nysany, 7 servistik-daiyndaý ortalyǵy, «aqyldy qala», energetika jáne jolaýshylar tasymaldary salasyndaǵy 3 respýblikalyq joba bar.
Jasalǵan kelisimsharttar sany boiynsha kóshbasshylar Qaraǵandy, Qostanai jáne Ońtústik Qazaqstan oblystary. Oǵan qosa, investitsiialar kólemi boiynsha (jobalardyń quny boiynsha) kóshbasshylar Aqtóbe oblysy jáne Astana qalasy bolyp tabylady.
Qosymsha, memlekettik organdardyń esepterine sáikes, daiyndyqtyń túrli kezeńderinde jalpy 1,7 trln teńge somaǵa taǵy 431 joba bar. Olardyń ishinde respýblikalyq deńgeidegi 15 joba pysyqtalýda, jergilikti deńgeide 760,6 mlrd teńgege 416 óńirlik joba daiyndalyp jatyr.
