Biylǵy 6 ai ishinde Qazaqstan men Ózbekstan eli arasyndaǵy taýar ainalymy 1,9 mlrd AQSh dollarǵa jetti. Bul týraly Ózbekstan Respýblikasynyń Qazaqstandaǵy Tótenshe jáne Ókiletti elshisi Saidikram Niiazhodjaev málim etti, dep habarlaidy QazAqparat.
«Eki el Úkimeti qabyldaǵan ózara kelisimniń nátijesinde ekijaqty taýar ainalymy qarqyny artyp keledi. Buǵan deiin Ózbekstan men Qazaqstan arasyndaǵy taýar ainalymy turaqty deńgeide boldy. Atap aitar bolsaq, ótken jyly eki el arasyndaǵy taýar ainalymy 3 mlrd-tan astam AQSh dollaryn qurady. Biyl 6 aidyń ishinde eki el arasyndaǵy taýar ainalymy 1,9 mlrd AQSh dollaryn qurap otyr. Bul ótken jylmen salystyrǵanda 41,3%-ǵa joǵary. Qazirgi ýaqytta Ózbekstan respýblikasy aýmaǵynda Qazaqstan kapitalynyń qatysýymen 858 ónerkásip jumys istep tur. Onyń ishinde 431 ónerkásip ekijaqty kapital (50/50) kómegimen jumys istep tur jáne 427 ónerkásip taza qazaqstandyq kapitaldyń esebinen óndirisin jalǵastyryp jatyr», - dedi Saidikram Niiazhodjaev elordadaǵy Ózbekstan elshiliginde ótken baspasóz máslihatynda.
Ózbek elshisiniń málimetine súiensek, atalǵan elde aktsionerlik qoǵam úlesi boiynsha qazaqstandyq ónerkásipter alǵashqy orynda tur.
