QR Aýyl sharýashylyǵy ministrligi paidalanylmai jatqan jerlerdi qaitarý sharalary jaiynda aitty, dep habarlaidy QazAqparat.
«Qazirgi kezde aýyl shaýrashylyǵy maqsatyndaǵy jerlerdi qorǵaý salasyndaǵy baqylaý fýnktsiialaryn tiisti oblystar aýdandarynyń jergilikti atqarýshy organdary júzege asyrady. Bul rette, QR Prezidentiniń 2019 jylǵy 26 jeltoqsandaǵy № 229 «Qazaqstan Respýblikasynda tekserýlerge jáne profilaktikalyq baqylaý men qadaǵalaýdy baryp júrgizýge moratorii engizý týraly» Jarlyǵymen 2020 jylǵy 1 qańtardan bastap 2023 jylǵy 1 qańtarǵa deiin Qazaqstanda shaǵyn kásipkerlik sýbektilerine, onyń ishinde shaǵyn kásipkerlik sýbektilerine barýmen tekserý ári profilaktikalyq baqylaý júrgizýge moratorii engizilgendigin atap ótý qajet. Jer ýchaskelerin májbúrlep ielikten shyǵarý QR Jer kodeksiniń 92-94 baptaryna kórsetilgen sharalardan keiin júzege asyrylady, alaida atalǵan sharalardy moratorige bailanysty júzege asyrý múmkin emes», - delingen QR Aýyl sharýashylyǵy ministrliginiń jaýabynda.
Degenmen, paidalanylmai jatqan aýyl sharýashylyǵy jerlerin qaitarý máselesi erekshe mańyzǵa ie.
«Sol sebepten, ministrlikpen jerdiń paidalanylýyn ǵaryshtyq monitoringteý ádisi engizilip, Aqmola, Qostanai, Shyǵys Qazaqstan jáne Mańǵystaý oblystarynda pilottyq iske qosyldy. 2019 jyldyń qazan aiynda zańnamalyq norma qabyldandy, al biyldyń qańtar aiynda Jerdi qashyqtyqtan zondtaý derekteri boiynsha veb-portalda paidalanylmaityn aýyl sharýashylyǵy jerlerin anyqtaýdyń tsifrlyq tetigin aiqyndaityn buiryq qabyldandy. Júrgizilgen jumystardyń nátijeleri boiynsha 2020 jyldyń ishinde 2,6 mln gektardan astam paidalanylmaǵan jaiylymdar erikti túrde memlekettik menshikke qaitaryldy», - dep naqtylandy vedomstvo mamandary.
