Búgin iKOMEK qalalyq ortalyǵynda elordadaǵy meditsinalyq uiym basshylary jáne qalalyq Qoǵamdyq densaýlyq saqtaý basqarmasymen birge halyqqa qyzmet kórsetý sapasyn arttyrý máselesi boiynsha jiyn ótti, dep habarlaidy "Ult aqparat" ákimdikke silteme jasap.
iKOMEK ortalyǵy Qoǵamdyq densaýlyq saqtaý basqarmasymen jáne meditsinalyq mekemelermen birlesip, azamattardyń ótinishterine anaǵurlym sapaly den qoiý úshin belsendi jumys júrgizýde.
2019 jyldyń qazanynan bastap «iKOMEK109» mobildi qosymshasynyń kómegimen qalanyń bas dárigerleriniń jumysyna monitoring júrgiziledi. «Ótken jyldyń qazan aiynan bastap bas dárigerler azamattardyń ótinishterine monitoring júrgizip, oǵan ózderi jaýap beredi. 2019 jyldyń qorytyndysy boiynsha oń qarqyn baiqalady. Biz eleýli nátijelerdi baiqap, elorda turǵyndarynan kóbirek alǵys ala bastadyq. Alaida munymen toqtap qalýǵa bolmaidy, ary qarai da birlesip belsendi jumys atqarý qajet», - dedi iKOMEK109 qalalyq monitoring ortalyǵy basshysynyń orynbasary Dina Temirǵalieva.
Jiynda turǵyndardan kelip túsetin ótinishter qaraldy. iKOMEK109 ortalyǵynyń aqparaty boiynsha jyl basynan beri densaýlyq saqtaý máseleleri boiynsha 44 194 ótinish kelip túsken. Onyń ishinde 43 417 – konsýltatsiia boiynsha, 777 – shaǵym men jaǵdaiat, 156 – alǵys. Odan bólek, Qoǵamdyq densaýlyq saqtaý basqarmasynyń KPI-indikatorlary talqylandy.
