Búgin Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym ministri Ashat Aimaǵambetov ǵylym týraly zańnamaǵa ózgerister engiziletinin aitty, dep habarlaidy QazAqaparat.
«Ǵylymdy damytý boiynsha Memleket basshysy óte mańyzdy tapsyrmalardy berdi. Bul bastamalar elimizdiń ǵalymdarynyń kópten beri kóterip júrgen aýqymdy problemalardy sheshetin bolady. Ol úshin eń aldymen ǵylym týraly zańnamaǵa aǵymdaǵy jyldyń sońyna deiin qajetti ózgeristerdi engizemiz. Zań jobasy daiyn», - dedi A. Aimaǵambetov.
Olardyń negizgileri:
- bazalyq qarjylandyrýǵa jetekshi ǵalymdardyń jalaqysyn engizý;
- arnaiy irikteý kriteriileri boiynsha irgeli zertteýlermen ainalysatyn ǵylymi-zertteý institýttardy tikelei qarjylandyrý;
- granttyq qarjylandyrý merzimin 3 jyldan 5 jylǵa deiin ulǵaitý jáne Ulttyq ǵylymi keńesterdiń sheshimderine apelliatsiia institýtyn engizý máseleleri sheshiletin bolady.
