Biylǵy 9 aida memlekettik eńbek inspektorlary 7 myńnan astam tekserý júrgizdi, dep habarlaidy "Ult aqparat".
«Aǵymdaǵy jyldyń 9 aiynda memlekettik eńbek inspektorlary 7 054 tekserý júrgizip, onyń barysynda eńbek qaýipsizdigi jáne eńbekti qorǵaý salasynda 1 791 buzýshylyq anyqtaldy. Jumys berýshilerge buzýshylyqtardy joiý týraly 344 uiǵarym shyǵarylyp, 21,2 mln teńge somaǵa 151 ákimshilik aiyppul salyndy», - dep atalyp ótken Eńbek jáne halyqty áleýmettik qorǵaý ministrligi málimetinde.
Atap aitqanda, zańdy jáne jeke tulǵalardyń eńbek qaýipsizdigi jáne eńbekti qorǵaý máseleleri boiynsha 631 ótinishi qaralyp, óndiristegi jazataiym oqiǵalarǵa 882 arnaiy tekserý júrgizildi. Qyzmetkerlerdiń ómiri men densaýlyǵyna naqty qaýip tónýine bailanysty memlekettik eńbek inspektorlarynyń talaby boiynsha jumys berýshiler eńbek qaýipsizdigi jáne eńbekti qorǵaý jónindegi qaǵidalardy buzǵany úshin 47 adamdy atqaryp otyrǵan qyzmetinen bosatty. 11 qural-jabdyq, 2 óndiristik nysan jáne 7 uiymnyń qyzmetine tyiym salyndy. 820 is quqyq qorǵaý organdaryna berildi, olar boiynsha 116 qylmystyq is qozǵaldy.
«Jalpy, memlekettik organdar men jumys berýshiler qabyldaǵan eńbekti qorǵaý salasyndaǵy keshendi sharalar óndiristik jaraqattanýdy tómendetý boiynsha oń dinamikany saqtaýǵa múmkindik berdi», - delingen minstrlik habarlamasynda.
