Biyl elimizdiń 8 óńirinde balalardy ońaltý ortalyqtary ashylady. Bul jaiynda Májilis depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«Qazirgi ýaqytta ministrlik (Bilim jáne ǵylym ministrligi) mektepke deiingi, orta bilim berý uiymdaryn, sonymen qatar arnaýly bilim berý uiymdaryn qural-jabdyqtarmen jáne jihazben jabdyqtaý normasyna ózgertýler men tolyqtyrýlar engizý jumysyn júrgizip jatyr. «Qamqorlyq» QR Tuńǵysh Prezidenti – Elbasy qory bastamasyn júzege asyrý jónindegi jol kartasy aiasynda meditsinalyq qyzmetterdiń qoljetimdiligin arttyrý úshin 2020 jyly 8 óńirde meditsinalyq uiymdardyń bazasynda jańa meditsinalyq jabdyqtarmen jabdyqtalǵan balalardy ońaltý ortalyqtary ashyldy», - dedi ol.
Onyń atap ótýinshe, biyl elimizdiń taǵy 8 óńirinde, atap aitqanda Aqmola, Aqtóbe, Almaty, Shyǵys Qazaqstan, Jambyl, Qyzylorda, Mańǵystaý, Túrkistan oblystarynda dál osyndai balalardy ońaltý ortalyǵyn jáne Shyǵys Qazaqstan men Qostanai oblystarynlda 2 erte aralasý ortalyǵyn ashý josparlanǵan.
«2020-2025 jyldarǵa arnalǵan Qazaqstan Respýblikasyndaǵy densaýlyq saqtaýdy damytýdyń memlekettik baǵdarlamasyn júzege asyrý aiasynda 10 óńirde (Aqtóbe, Almaty, Atyraý, Shyǵys Qazaqstan, Batys Qazaqstan, Qostanai, Mańǵystaý, Soltústik Qazaqstan, Túrkistan oblystarynda jáne Nur-Sultan qalasynda) balalardy ońaltý ortalyqtaryn ashý kózdelgen», - dedi Asqar Mamin.
