بيىل ەلٸمٸزدٸڭ 8 ٶڭٸرٸندە بالالاردى وڭالتۋ ورتالىقتارى اشىلادى. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«قازٸرگٸ ۋاقىتتا مينيسترلٸك (بٸلٸم جەنە عىلىم مينيسترلٸگٸ) مەكتەپكە دەيٸنگٸ, ورتا بٸلٸم بەرۋ ۇيىمدارىن, سونىمەن قاتار ارناۋلى بٸلٸم بەرۋ ۇيىمدارىن قۇرال-جابدىقتارمەن جەنە جيھازبەن جابدىقتاۋ نورماسىنا ٶزگەرتۋلەر مەن تولىقتىرۋلار ەنگٸزۋ جۇمىسىن جٷرگٸزٸپ جاتىر. «قامقورلىق» قر تۇڭعىش پرەزيدەنتٸ – ەلباسى قورى باستاماسىن جٷزەگە اسىرۋ جٶنٸندەگٸ جول كارتاسى اياسىندا مەديتسينالىق قىزمەتتەردٸڭ قولجەتٸمدٸلٸگٸن ارتتىرۋ ٷشٸن 2020 جىلى 8 ٶڭٸردە مەديتسينالىق ۇيىمداردىڭ بازاسىندا جاڭا مەديتسينالىق جابدىقتارمەن جابدىقتالعان بالالاردى وڭالتۋ ورتالىقتارى اشىلدى», - دەدٸ ول.
ونىڭ اتاپ ٶتۋٸنشە, بيىل ەلٸمٸزدٸڭ تاعى 8 ٶڭٸرٸندە, اتاپ ايتقاندا اقمولا, اقتٶبە, الماتى, شىعىس قازاقستان, جامبىل, قىزىلوردا, ماڭعىستاۋ, تٷركٸستان وبلىستارىندا دەل وسىنداي بالالاردى وڭالتۋ ورتالىعىن جەنە شىعىس قازاقستان مەن قوستاناي وبلىستارىنلدا 2 ەرتە ارالاسۋ ورتالىعىن اشۋ جوسپارلانعان.
«2020-2025 جىلدارعا ارنالعان قازاقستان رەسپۋبليكاسىنداعى دەنساۋلىق ساقتاۋدى دامىتۋدىڭ مەملەكەتتٸك باعدارلاماسىن جٷزەگە اسىرۋ اياسىندا 10 ٶڭٸردە (اقتٶبە, الماتى, اتىراۋ, شىعىس قازاقستان, باتىس قازاقستان, قوستاناي, ماڭعىستاۋ, سولتٷستٸك قازاقستان, تٷركٸستان وبلىستارىندا جەنە نۇر-سۇلتان قالاسىندا) بالالاردى وڭالتۋ ورتالىقتارىن اشۋ كٶزدەلگەن», - دەدٸ اسقار مامين.
