Jyl sońyna deiin respýblikalyq mańyzy bar avtojoldardyń 90 paiyzyn jaqsy jáne qanaǵattanarlyq jaǵdaiǵa jetkizý josparlanyp otyr. Bul týraly Úkimet otyrysynda qańtar aiyndaǵy eldiń áleýmettik-ekonomikalyq damýy taqyrybyn talqylaý kezinde QR Indýstriia jáne infraqurylymdyq damý ministri Beibit Atamqulov málim etti, dep habarlaidy QazAqparat.
«Shekteý sharalary kólik salasyndaǵy naqty kólem indeksine teris áser etip otyr. 2021 jyly qańtar aiynda bul kórsetkish 82,6 paiyzdy qurady. Bul rette tranzittik konteinerlik tasymalda 81,4 myń jiyrma fýnttyq balama kóleminde oń qarqyn saqtaldy. Ósim 27 paiyzdy qurady. Kóliktiń barlyq túrimen júk tasymaldaý kólemi 0,28 mlrd tonna nemese ótken jyldyń sáikes kezeńimen salystyrǵanda 93,4 paiyzdy qurady», - dedi ministr.
Onyń aitýynsha, jyl sońyna deiin respýblikalyq mańyzy bar avtojoldardyń 90 paiyzyn jáne jergilikti joldardyń 76 paiyzyn jaqsy jáne qanaǵattanarlyq jaǵdaiǵa jetkizý josparlanyp otyr. 6,5 myń shaqyrym aqyly jol engizilip, ulttyq standartqa sáikes keletin jol servisin 66 paiyzǵa jetkizý kózdelgen.
«Temir jol kóligimen tranzit 23,1 mln tonnaǵa deiin nemese 12 piayzǵa artady dep otyrmyz. Onyń ishinde konteinerler tranzitin 1 mln jiyrma fýnttyq balamaǵa jetkizemiz», - dedi B. Atamqulov.
