Qazaqstanda áýe kóligi infraqurylymyn jańǵyrtý jumystary josparly túrde júrgizilip jatyr. Bul týraly QR Indýstriia jáne infraqurylymdyq damý mnistrliginen málim boldy, dep habarlaidy "Ult aqparat".
«Infraqurylymdy damytýdyń 2020-2025 jyldarǵa arnalǵan «Nurly jol» memlekettik baǵdarlamasy aiasynda Óskemen qalasy áýejaiynyń ushý-qoný jolaǵy qaita jańartylýda. Jobada jolaqtardy 300 metrge uzartý jáne áýe kemeleriniń qazirgi zamanǵy úlgilerin qabyldaý úshin jaryq-dybys jabdyqtaryn aýystyrý kózdelgen. Jeke investitsiialar esebinen Shymkent qalasy áýejaiynyń jańa terminaly salynyp jatyr. Nátijesinde, terminal alańy 3,8 myńnan 35 myń sharshy metrge deiin keńeiip, ótkizý qabileti saǵatyna 150-den 2000 jolaýshyǵa deiin artady. Jańa terminal halyqaralyq sapa jáne qaýipsizdik standarttaryna sáikes keledi. Bul megapolis turǵyndary men qonaqtary úshin qolaily jaǵdai jasaidy», - delingen vedomstvo málimetinde.
Batys Qazaqstan oblysynyń ákimdigi jeke investitsiialardy tarta otyryp, Oral qalasy áýejaiynyń aerovokzal keshenin jańǵyrtyp jatyr. Terminal aýmaǵy eki eseden astam ulǵaitylyp, ótkizý qabileti saǵatyna 100-den 200 jolaýshyǵa deiin jetkiziledi.
Atalǵan jobalar boiynsha qurylys jumystaryn 2021 jyldyń sońynda jáne kelesi jyldyń birinshi jartyjyldyǵyna aiaqtaý josparlanǵan.
Alakól týristik ortalyǵyna kólikpen baryp-qaitýdy qolaily etý maqsatynda Úrjardyń ushý-qoný jolaǵyn jáne aerovokzal ǵimaratyn rekonstrýktsiialaý jumystaryn biyl aiaqtaý josparlanýda. Sondai-aq, Úsharal qalasy áýejaiynyń ushý-qoný jolaǵyn, róldeý jolyn jáne perronyn rekonstrýktsiialaý jumystary bastaldy.
Osy jobalardy iske asyrý áýejailardyń jerústi infraqurylymyn jaqsartyp, qaýipsizdik jáne qyzmet kórsetý standarttaryn arttyrýǵa yqpal etedi.
