Elimizdegi joldarda kólik júrisin shekteý 2 esege kóbeidi, dep habarlaidy "Ult aqparat QR IIDM saityna silteme jasap.
«Qys bastalysymen aýa raiynyń qolaisyzdyǵy Qazaqstandaǵy joldarda 800-den astam ret qozǵalys shekteýge sebepshi boldy. Bul kórsetkish ótken jylmen salystyrǵanda 2 esege artyp otyr», delingen habarlamada.
Osylaisha, jolda kórinbeýge qatysty qozǵalysqa shekteý 572 ret engizilse, kóktaiǵaq saldarynan kólik júrgizýshileri saparǵa 112 ret shyǵa almady.
«15 jaǵdaida joldaǵy qozǵalys aýa temperatýrasynyń tómendigine, 6 jaǵdaida josparly jóndeý jumysynyń júrgizilýine jáne qar kóshkininiń qaýip tóndirýine bailanysty, 114 jaǵdaida kórshi óńirlerdegi avtomobil joldarynyń jabylýyna bailanysty shekteldi», delingen habarlamada.
Baspasóz qyzmetiniń málimetinshe, biyl qysta Shyǵys Qazaqstan oblysynda joldar kóp jabylǵan. Óńirde kólik qozǵalysyna shekteý 186 ret engizilgen. Ekinshi orynda Aqmola oblysy. Munda joldar 156 ret jabyldy. Al Aqtóbe oblysynda joldardaǵy qozǵalysqa 108 ret shekteý engizilipti.
