Biyl úiirli shegirtke 554 myń gektarǵa taralýy múmkin. Bul týraly QR AShM Agroónerkásiptik keshendegi memlekettik inspektsiia komitetiniń tóraǵasy Almabek Mars málim etti, dep habarlaidy QazAqparat.
«Respýblikalyq fitosanitarlyq diagnostika jáne boljamdar ádistemelik ortalyǵy» RMM málimetterine sáikes, 2020 jyly 554 myń gektar alańda úiirli shegirtke ziiankesteri, onyń ishinde italiandyq prýs – 295,9 myń gektar, aziialyq shegirtke – 164,2 myń gektar jáne marokkalyq shegirtke 93,9 myń gektar alańda taralýy múmkin. Budan basqa, saiaq shegirtke ziiankesteriniń taralýy 266,8 myń ga alańda boljanyp otyr», - dedi komitet tóraǵasy Ortalyq kommýnikatsiialar qyzmetinde.
Onyń sózine qaraǵanda, úiirli shegirtke ziiankesterimen kúresý úshin respýblikalyq biýdjetten 1 mlrd teńge bólindi. Atalǵan qarajat pestitsidter men himiialyq óńdeý boiynsha qyzmetterdi joǵaryda atalǵan alańǵa satyp alýǵa múmkindik berdi.
«Saiaq shegirtkege qarsy kúres júrgizý úshin jergilikti biýdjet qarajatynan 555,1 mln teńge bólindi. Sonymen qatar, ortalyq qoimada shegirtke ziiankesterimen kúresý úshin jalpy aýdany 525,3 myń gektar alańǵa eseptelgen 47,5 myń litr kóleminde pestitsid qory bar», - dedi Almabek Mars.
Úiirli shegirtkege qarsy tiimdi óńdeý júrgizý úshin pestitsidterdiń ártúrli toptarynyń preparattary satyp alyndy. Óńdeýge 148 arnaiy búrikkish tehnika tartyldy.
