QR Energetika ministrligi 2021 jylǵy qańtar-shilde ailarynyń qorytyndysy boiynsha energiia óndirý kórsetkishterin jariialady, dep habarlaidy "Ult aqparat".
«Esepti kezeńde 66,2 mlrd kVt.saǵat elektr energiiasy óndirildi, ótken jyldyń sáikes kezeńine 107,7% qurap otyr. Ekinshi toqsannyń qorytyndysy boiynsha jańartylatyn energiia kózderi nysandary óndirgen elektr energiiasynyń kólemi 2,03 mlrd kVt.saǵ qurap otyr, byltyrdyń sáikes kezeńine qaraǵanda 142% qurady», - delingen ministrlik málimetinde.
Budan buryn habarlanǵandai, kórsetilgen kezeńde munai jáne kondensat óndirý kólemi 49,8 mln tonnany qurap, jospar 99% oryndaldy. Teńiz jobasynda atalǵan kezeńde 15,9 mln tonna munai óndirildi, jospar 100 paiyzǵa atqaryldy. Qarashyǵanaq jobasynyń kórsetkishi 6,9 mln tonnany qurady, bul kórsetkish biylǵy jeti aidyń josparyna qaraǵanda 95,1%-dy qamtydy.
