Sýret: primeminister.kz
Elimizde astyq jinaý maýsymy aiaqtalýǵa jaqyn. Bul týraly Aýyl sharýashylyǵy vitse-ministri Azat Sultanov málim etti, dep habarlaidy Kazinform agenttigi.
«Soltústik Qazaqstan oblysy dándi daqyldardy jinaýdy aiaqtady. Qostanai jáne Aqmola oblystary, iaǵni negizgi astyq egetin óńirlerde eginniń 90%-y jinaldy», - dedi Azat Sultanov KazAgro-2023 halyqaralyq kórmesi barysynda BAQ ókilderiniń suraǵyna jaýap bere otyryp.
Onyń aitýynsha, qazanda egin jinaý jumystaryn aiaqtaý josparlanyp otyr.
«Biz buǵan deiin naqtylanǵan boljam jasaǵanbyz. Sol boiynsha biyl 15,6 mln tonna astyq jinalmaq. Boljam ázirge rastalyp otyr. Ótken jyldan qalǵan astyqty eskere otyryp, ishki naryqty áleýmettik mańyzy bar ónimdermen qamtamasyz etýge jetkilikti. Bul degenimiz un, makaron jáne nan. Áleýmettik nannyń baǵasy arnaiy sýbsidiialaý baǵdarlamasy arqyly retteledi, sondyqtan tutynýshylar ýaiymdamasyn», - deidi ministrdiń orynbasary.
