Biyl elimizde 70-ten astam pediatr oqýyn aiaqtaidy. Májilis ókilderiniń depýtattyq saýalyna joldaǵan jaýabynda QR Premer-Ministriniń orynbasary Eraly Toǵjanov osyndai derek keltirgen, dep habarlaidy QazAqparat.
«Óńirlik deńgeide balalar statsionary júiesinde qalalyq jáne oblystyq kópbeiindi aýrýhanalar, infektsiialyq balalar aýrýhanasy, oblystyq perinataldyq ortalyqtar, perzenthanalar men aýdandyq aýrýhanalardyń balalar bólimderi qyzmet kórsetedi. Bul mekemeler bilikti meditsinalyq kómek kórsetip qana qoimai, qaralýǵa kelgen balanyń ári qaraiǵy jaǵdaiyn qadaǵalap, keshendi ońaltý sharalaryn júrgizedi», - dep jazylǵan vitse-premerdiń jaýabynda.
Aitýynsha, balalarǵa respýblikalyq deńgeide meditsinalyq qyzmet kórsetetin 3 mekeme bar.
Olar – Almaty qalasyndaǵy 205 orynǵa shaqtalǵan «Pediatriia jáne balalar hirýrgiiasy ortalyǵy», Nur-Sultan qalasyndaǵy 285 orynǵa arnalǵan «Ulttyq ana men bala ortalyǵy» jáne Almaty qalasyndaǵy S.D. Asfendiiarov atyndaǵy qazaq meditsinalyq ýnirversietiniń «Aqsai» klinikasy.
«Qazirgi tańda internatýrada 57 adam, rezidentýrada 196 adam «Pediatriia» mamandyǵy boiynsha oqyp jatyr. 2021 jyly 74 pediatr bitirip oqýdy aiaqtady. Biyl 72 túlek oqýyn bitiredi dep josparlanǵan. Osylaisha meditsinalyq bilim júiesinde pediatriia mamandaryn daiarlaý isi bilim berýdiń barlyq deńgeiinde jolǵa qoiylǵan», - deidi Úkimet basshysynyń orynbasary.
