Biyl elimizde 30 myń Hyundai kóligi qurastyrylady. Bul týraly halyqqa esep berý kezdesýinde QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«Mashina jasaý salasynda óndiris kólemi 20 paiyzǵa ósti. Ósimge negizinen avtomobil jasaý esebinen qol jetkizildi. Hyundai Trans Kazakhstan kompaniiasy 7 myńnan astam jeńil avtokólik shyǵaryp, kólemin 18 esege arttyrdy. Jyl sońyna deiin kásiporyn 30 myń avtomobil shyǵarýdy josparlap otyr, onyń 6 myńnan astamy eksportqa shyǵarylady», - dedi ministr.
Sondai-aq ol «ZIKSTO» Aktsionerlik qoǵamy men «Qazaqstan vagon jasaý kompaniiasy» jaýapkershiligi shekteýli seriktestiginiń buryn toqtap qalǵan óndiristerin iske qosý esebinen temirjol tehnikasy óndirisiniń 49 paiyzǵa óskenin aitty.
«Mashina jasaý salasyndaǵy ósiminiń taǵy bir draiveri - aýyl sharýashylyǵy tehnikasy boldy. Traktorlar men kombaindar óndirisi 42 paiyzǵa ulǵaidy», - dedi Beibit Atamqulov.
