Foto: ashyq derekkóz
Biyl Qazaqstan aýmaǵynda álemdik jáne qurlyqtyq deńgeidegi 20-dan astam iri halyqaralyq sporttyq jarys ótkizý josparlanǵan. Bul týraly Ult.kz habarlaidy.
Halyqaralyq básekeler Almaty, Astana, Shymkent, Túrkistan, Talǵar, Aqtaý qalalarynda uiymdastyrylady. Jarystar qysqy, jazǵy, olimpiadalyq jáne paralimpiadalyq sport túrlerin qamtidy.
Almatydaǵy iri týrnirler
Milanda ótetin qysqy Olimpiada oiyndary aiaqtalǵannan keiin Almatyda birqatar mańyzdy jarystar ótedi. Atap aitqanda:
Fristail-mogýldan Álem kýbogi kezeńi
FIP GOLD ALMATY halyqaralyq padel týrniri
WKF KazOpen halyqaralyq karate týrniri
WKF karateden Aziia chempionaty
Barlyq jas sanattary boiynsha djiý-djitsýdan Aziia chempionaty
Sondai-aq dástúrli túrde:
«XXXIV Memorial – Ǵ.Qosanov» halyqaralyq jeńil atletika jarysy
Denis Ten Memorial Challenge Series mánerlep syrǵanaýdan halyqaralyq týrniri ótedi.
Astanada ótetin halyqaralyq básekeler
Elorda da birqatar bedeldi jarystardy qabyldaidy. Olardyń qatarynda:
ÝEFA fýtzaldan Chempiondar ligasynyń finaly (2025/2026 maýsymy)
Dziýdodan Grand Slam týrniri (tórtinshi ret)
Erler men áielder arasyndaǵy Silk Way Series Kazakhstan-1,2
Júzý men bochchadan Álem kýbokteri
Golboldan jastar arasyndaǵy álem chempionaty
Astana Open Series Kazakhstan-1,2 halyqaralyq jarystary bar
Sonymen qatar Astanada fidjital sporttan «Bolashaq oiyndary» halyqaralyq mýltisporttyq týrniri ótedi.
Óńirlerdegi jarystar
Talǵar – kópkúndik velojarystan Aziia kýbogi
Shymkent – ISSF stend atýdan Álem kýbogi jáne maýntinbaiktan (MTB) Aziia kýbogi
Túrkistan – para kanoeden Aziia chempionaty
Atalǵan jarystar Qazaqstannyń álemdik sport qaýymdastyǵyndaǵy bedelin arttyryp, eldiń iri halyqaralyq týrnirlerdi qabyldai alatyn zamanaýi sporttyq alań ekenin taǵy bir márte dáleldeidi.
