Biyl Aýǵanstanǵa otandyq astyqty eksporttaý máselesi qalai bolmaq? Bul suraqqa QR AShM ósimdik sharýashylyǵy ónimderin óndirý jáne qaita óńdeý departamentiniń direktory Azat Sultanov jaýap berdi, dep habarlaidy QazAqparat.
«Bizdiń el úshin Aýǵanstan - astyq pen un eksporttaý naryǵyndaǵy strategiialyq seriktesimiz. Atalǵan eldegi saiasi jaǵdaiǵa bailanysty astyq pen bidai jóneltý ýaqytsha toqtatylǵan edi. Qazirgi ýaqytta biznes jáne tasymaldaýshylardyń aqparatyna sáikes, tólem jáne astyq vagondaryn jetkizý máselesi sheshildi. Sondyqtan qazirgi ýaqytta astyq jóneltýde problema joq. Jalpy Qazaqstan men Aýǵanstan arasyndaǵy biznes seriktestik jaqsy jolǵa qoiylǵan. Osy oraida ol elge otandyq ónimderdi jóneltý óz deńgeiinde júrip jatyr. Statistikaǵa kelsek, búginde Aýǵanstanǵa 199 myń tonna un men 33 myń tonna astyq jóneltildi», - dedi Azat Sultanov OKQ-de onlain ótken baspasóz máslihatynda.
Onyń aitýynsha, bizdiń el Aýǵanstanǵa negizinen un eksporttaidy.
