Almatyda meditsinalyq zattar men dári-dármekten tapshylyq bolmaidy. Bul týraly onlain brifing barysynda Almaty qalasynyń ákimi Baqytjan Saǵyntaev aitty, dep habarlaidy "Ult aqparat".
«Ótken jyly biz dári-dármek qoryn qurdyq. Keiin Úkimet ózge óńirlerge de sondai qor qurýdy tapsyrdy. Bastapqyda biz qorǵa 10 mlrd teńge bóldik. Onyń 5 mlrd dárihanaǵa, 5 mlrd teńgesi statsionarǵa dep bólindi. Keiin «SQ-Farmatsiianyń» jumysy durys jolǵa qoiylyp, olar bizdiń statsionardyń barlyǵyn tolyqtai dári-dármekpen qamtamasyz etetin boldy. Sondyqtan statsionarǵa dep bólgen 5 mlrd teńgeni qaita aldyq. Qazir bul qordy dárihanalardaǵy dárilerdiń mólsherin qajetti deńgeide qamtamasyz etý úshin ustap otyrmyz. Qor aiasynda 48 mln dana dári alyndy. Onyń jartysy satyldy. Qazir 8 mln dáriden túsirmei ustap otyrmyz», - dedi Saǵyntaev.
Qala ákimi jaqynda dári-dármek satatyn uiym basshylarymen kezdeskenin aitty. Almatyda qazir dári-dármek tapshylyǵy joq. Degenmen naýryz aiynyń basymen salystyrǵanda qazir dári ainalymy 10-15 paiyzǵa artqan.
Sonymen qatar, ol qalada maska da jetkilikti ekenin tilge tiek etti. Jetkizýshi merdigerlerde qazir 30 mln maska bar. Kompaniialar aptasyna 1 million maska óndiredi.
«Jedel járdem qyzmetine jańa kólikter aldyq, oǵan qosa MRT, KT, IVL jáne basqa da tekserý apparattary jetkilikti deńgeide.Sondai-aq kadr máselesi de sheshilgen, sondyqtan alańdaýǵa negiz joq», - shahar basshysy.
