الماتىدا مەديتسينالىق زاتتار مەن دەرٸ-دەرمەكتەن تاپشىلىق بولمايدى. بۇل تۋرالى ونلاين بريفينگ بارىسىندا الماتى قالاسىنىڭ ەكٸمٸ باقىتجان ساعىنتاەۆ ايتتى, دەپ حابارلايدى "ۇلت اقپارات".
«ٶتكەن جىلى بٸز دەرٸ-دەرمەك قورىن قۇردىق. كەيٸن ٷكٸمەت ٶزگە ٶڭٸرلەرگە دە سونداي قور قۇرۋدى تاپسىردى. باستاپقىدا بٸز قورعا 10 ملرد تەڭگە بٶلدٸك. ونىڭ 5 ملرد دەرٸحاناعا, 5 ملرد تەڭگەسٸ ستاتسيونارعا دەپ بٶلٸندٸ. كەيٸن «سق-فارماتسييانىڭ» جۇمىسى دۇرىس جولعا قويىلىپ, ولار بٸزدٸڭ ستاتسيوناردىڭ بارلىعىن تولىقتاي دەرٸ-دەرمەكپەن قامتاماسىز ەتەتٸن بولدى. سوندىقتان ستاتسيونارعا دەپ بٶلگەن 5 ملرد تەڭگەنٸ قايتا الدىق. قازٸر بۇل قوردى دەرٸحانالارداعى دەرٸلەردٸڭ مٶلشەرٸن قاجەتتٸ دەڭگەيدە قامتاماسىز ەتۋ ٷشٸن ۇستاپ وتىرمىز. قور اياسىندا 48 ملن دانا دەرٸ الىندى. ونىڭ جارتىسى ساتىلدى. قازٸر 8 ملن دەرٸدەن تٷسٸرمەي ۇستاپ وتىرمىز», - دەدٸ ساعىنتاەۆ.
قالا ەكٸمٸ جاقىندا دەرٸ-دەرمەك ساتاتىن ۇيىم باسشىلارىمەن كەزدەسكەنٸن ايتتى. الماتىدا قازٸر دەرٸ-دەرمەك تاپشىلىعى جوق. دەگەنمەن ناۋرىز ايىنىڭ باسىمەن سالىستىرعاندا قازٸر دەرٸ اينالىمى 10-15 پايىزعا ارتقان.
سونىمەن قاتار, ول قالادا ماسكا دا جەتكٸلٸكتٸ ەكەنٸن تٸلگە تيەك ەتتٸ. جەتكٸزۋشٸ مەردٸگەرلەردە قازٸر 30 ملن ماسكا بار. كومپانييالار اپتاسىنا 1 ميلليون ماسكا ٶندٸرەدٸ.
«جەدەل جەردەم قىزمەتٸنە جاڭا كٶلٸكتەر الدىق, وعان قوسا مرت, كت, يۆل جەنە باسقا دا تەكسەرۋ اپپاراتتارى جەتكٸلٸكتٸ دەڭگەيدە.سونداي-اق كادر مەسەلەسٸ دە شەشٸلگەن, سوندىقتان الاڭداۋعا نەگٸز جوق», - شاھار باسشىسى.
