Biyl Nur-Sultanda qardyń jaýýy jyldaǵydan 2-3 ese artyq bolady. Bul týraly qalalyq tótenshe jaǵdailar departamenti tótenshe jaǵdaidy joiý basqarmasynyń basshysy Eldor Raiymbekov málim etti, dep habarlaidy QazAqparat tilshisi.
«Mamandar men tehnika kez kelgen sátte tótenshe jaǵdaiǵa daiyn bolýy tiis. Sol sebepti búgin oqý-jattyǵý ótkizip jatyrmyz. Jalpy tótenshe jaǵdaida adamdy qutqarý keshendi jumys. Iaǵni qutqaryp qana qoimai, oǵan meditsinalyq, psihologiialyq kómek qajet bolýy múmkin. Kóbinese tótenshe jaǵdailar tabiǵi qubylys jáne aýa raiyna bailanysty týyndaidy. Qazgidromettiń boljamynsha, biyl elordada qar jaýý mólsheri jyldaǵydan 2-3 ese kóp bolady. Osy oraida qar kóp bolǵannan keiin, adamdardyń jolda qalyp qoiý jaǵdailary jii bolyp turady. Ondai sátte adammen qatar kólikti de qutqarý kerek. Sondyqtan da turǵyndardan qolaisyz aýa raiy kezinde jolǵa shyqpaýyn taǵy bir márte suraimyz», - dedi Eldor Raiymbekov.
Onyń aitýynsha, aýa raiy eskertýin elemei jolǵa shyǵyp ketetin azamattar bar.
