Biyl Otan qorǵaýshylar kúni men Jeńis kúnine arnalǵan áskeri sherý ótpeidi, - dep habarlaidy "Ult aqparat" Qazaqstan Respýblikasy Qorǵanys ministrliginiń baspasóz qyzmetine silteme jasap.
"Elimizdegi epidemiologiialyq jaǵdaiǵa bailanysty 2021 jyly Otan qorǵaýshylar men Jeńis kúnine arnalǵan áskeri sherýdi ótkizý josparlanbaǵan. Bul rette garnizondarda sanitarlyq-epidemiologiialyq sharalardy saqtai otyryp is-sharalar uiymdastyrylatyn bolady", - delingen habarlamada.
2020 jyly da koronavirýs pandemiiasyna bailanysty Uly Otan soǵysyndaǵy Jeńistiń 75 jyldyǵyna arnalǵan áskeri sherý ótpedi. Buqaralyq sharalardy ótkizýge tyiym salynǵan bolatyn. Alaida bul kúni ardagerler nazardan tys qalmady. Olardy el basshylyǵy, sheneýnikter, áskeri qyzmetkerler, eriktiler, sondai-aq qoǵamdyq uiymdar quttyqtady.
Mamyr aiynda elimizde úsh mereke atap ótiledi. 1-3 mamyr aralyǵynda qazaqstandyqtar Qazaqstan halyqtarynyń birligi kúnine orai demalady. 7 mamyr - Otan qorǵaýshylar kúni, 8 mamyr - senbi. 9 mamyr - Jeńis kúni jeksenbige sáikes keledi, sondyqtan merekelik demalys kúni 10 mamyr, dúisenbige aýystyryldy.
