بيىل وتان قورعاۋشىلار كٷنٸ مەن جەڭٸس كٷنٸنە ارنالعان ەسكەري شەرۋ ٶتپەيدٸ, - دەپ حابارلايدى "ۇلت اقپارات" قازاقستان رەسپۋبليكاسى قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"ەلٸمٸزدەگٸ ەپيدەميولوگييالىق جاعدايعا بايلانىستى 2021 جىلى وتان قورعاۋشىلار مەن جەڭٸس كٷنٸنە ارنالعان ەسكەري شەرۋدٸ ٶتكٸزۋ جوسپارلانباعان. بۇل رەتتە گارنيزونداردا سانيتارلىق-ەپيدەميولوگييالىق شارالاردى ساقتاي وتىرىپ ٸس-شارالار ۇيىمداستىرىلاتىن بولادى", - دەلٸنگەن حابارلامادا.
2020 جىلى دا كوروناۆيرۋس پاندەميياسىنا بايلانىستى ۇلى وتان سوعىسىنداعى جەڭٸستٸڭ 75 جىلدىعىنا ارنالعان ەسكەري شەرۋ ٶتپەدٸ. بۇقارالىق شارالاردى ٶتكٸزۋگە تىيىم سالىنعان بولاتىن. الايدا بۇل كٷنٸ ارداگەرلەر نازاردان تىس قالمادى. ولاردى ەل باسشىلىعى, شەنەۋنٸكتەر, ەسكەري قىزمەتكەرلەر, ەرٸكتٸلەر, سونداي-اق قوعامدىق ۇيىمدار قۇتتىقتادى.
مامىر ايىندا ەلٸمٸزدە ٷش مەرەكە اتاپ ٶتٸلەدٸ. 1-3 مامىر ارالىعىندا قازاقستاندىقتار قازاقستان حالىقتارىنىڭ بٸرلٸگٸ كٷنٸنە وراي دەمالادى. 7 مامىر - وتان قورعاۋشىلار كٷنٸ, 8 مامىر - سەنبٸ. 9 مامىر - جەڭٸس كٷنٸ جەكسەنبٸگە سەيكەس كەلەدٸ, سوندىقتان مەرەكەلٸك دەمالىس كٷنٸ 10 مامىر, دٷيسەنبٸگە اۋىستىرىلدى.
