Biyl Abaidyń «Qara sózderine» negizdelgen derekti film kórermenge jol tartady. Bul týraly Ortalyq kommýnikatsiialar qyzmeti alańynda ótken brifingide QR Mádeniet jáne sport ministri Aqtoty Raiymqulova aitty, dep habarlaidy "Ult aqparat".
«Ózderińiz bilesizder, jyl saiyn stsenariiler konkýrsy ótkiziledi. Biyl da stsenariiler konkýrsy ótip, túrli janrdaǵy, uzaqtyǵy ártúrli filmder, derekti filmder, qysqametrajdy filmderge qatysty birneshe joba usynyldy. Búgingi kúni Abaidyń «Qara sózderine» negizdelgen derekti film jobasy iriktep alynyp, qoldaý bildirildi. Ol sapaly joba bolatyndyǵyna senim artamyz», - dedi ministr BAQ ókilderiniń saýalyna orai.
Onyń aitýynsha, biylǵy jyldyń ekinshi jartyjyldyǵynda atalǵan filmniń premerasyn tamashalaimyz.
