Astana/2018 jylǵy 7 mamyr. Foto: aqorda.kz
Biyl elimizde 7 mamyr - Otan qorǵaýshy jáne 9 mamyr - Jeńis kúni meiramyna orai áskeri sherý ótkizý josparlanyp otyrǵan joq. Bul týraly Qorǵanys ministrliginiń baspasóz qyzmeti habarlady.
«Biýdjet qarajatyn únemdeý maqsatynda jáne basqa da mindetterdi sheshý qajettigine bailanysty biyl elimizde áskeri sherý ótpeidi. Jalpy alǵanda, qazirgi ýaqyttaǵy mańyzdy basymdyq - Qazaqstan Qarýly kúshteri bólimsheleriniń jaýyngerlik ázirligi men utqyrlyǵyn talap etiletin deńgeide ustap turý», - delingen habarlamada.
Sondai-aq, vedomstvo josparlanǵan áskeri-patriottyq is-sharalar ótetini týraly málimdedi.
«Atalǵan sharalar erekshe kózge túsken áskeri qyzmetshilerdi qurmetteý, soǵysta qaza tapqan qazaqstandyq jaýyngerlerdi eske alý jáne olardyń erligin buqaralyq aqparat quraldarynda jariialaý maqsatyn kózdeidi», - deidi Qorǵanys ministrligi baspasóz qyzmetiniń ókilderi.
7 jáne 9 mamyr merekelerine arnalǵan sharalar týraly aqparat jýyrda ministrliktiń resmi saitynda jariialanbaq.
