Biyl elimiz boiynsha 7500 mektep túlegi «Altyn belgi» tósbelgisin alýǵa úmitti. Bul týraly QR Bilim jáne ǵylymi vitse-ministri Sholpan Karinova málim etti, dep habarlaidy QazAqparat.
«Byltyr 9 myńnan astam oqýshy «Altyn belgi» iegeri atandy. Ministrlik bul protsesti qadaǵalaýda ustaidy. Biyl elimizde mektep bitiretin túlekterdiń sany 170 myńnan asady. Osy oqýshylardyń arasynda «Altyn belgige» úmitkerler oqý jylynyń basyndaǵy boljaldy derekke sáikes 12 myńnan asty. Qazirgi aqparatqa sáikes úmitkerlerdiń sany 7500», - dedi Sholpan Karinova ministrlikte ótken efir barysynda.
Sondai-aq, vitse-ministr úmitkerlerdi «Altyn belgi» emtihanyna engizilgen ózgeriske qatysty qobaljymaýǵa shaqyrdy.
«Jergilikti bilim bólimi, basqarmasy aýyl, aýdan oqýshylaryn oblys ortalyǵyndaǵy Nazarbaev ziiatkerlik mektebine jetkizýdi uiymdastyrýǵa jaýapty. Sol siiaqty oqýshylar aldyn ala NZM-ge baryp, emtihan tapsyratyn kabinetti kórip, tanysýǵa quqyly», - deidi ol.
Onyń aitýynsha, «Altyn belgini» kóbinese elimizdiń iri qalalaryndaǵy mektep túlekteri ielenip keledi.
