1 sáýirdegi jaǵdai boiynsha 135,7 myń otbasyndaǵy 683,4 myń adamǵa ataýly áleýmettik kómek (budan ári – AÁK) taǵaiyndaldy. Aǵymdaǵy jyly osy maqsattarǵa biýdjetten 122,8 mlrd teńge bólindi, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa taǵaiyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deiingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boiynsha jumys júrgizilýde.
2021 jylǵy 1 sáýirde AÁK alýshylar qataryndaǵy 1 jastan 6 jasqa deiingi 162,4 myń bala azyq-túlik jáne turmystyq himiia jiyntyǵy túrinde áleýmettik toptama taǵaiyndaldy.
Esterińizge sala keteiik, 105,4 myń otbasyndaǵy 519,4 myń qazaqstandyqqa 2021 jylǵy I toqsanda ataýly áleýmettik kómek taǵaiyndaý memlekettik instantsiiaǵa júginbei-aq avtomatty túrde uzartyldy.
AÁK alýshylarǵa budan buryn, 2020 jylǵy II,III jáne IV toqsanda TJ rejimi men karantindik shekteý sharalarynyń qoldanylýyna bailanysty kómek taǵaiyndaýǵa ótinish uzartyldy.
