Biyl 4,5 myńǵa jýyq destrýktivti internet-kontent anyqtaldy. Bul týraly QR IIM Ákimshilik politsiia komitetiniń tóraǵasy Murat Baimuqashev málim etti, dep habarlaidy "Ult aqparat".
«Destrýktivti internet-kontenttiń balalarǵa yqpalyn shekteýge baǵyttalǵan naqty jumys ta júrgizilip jatyr. Osy jyldyń ózinde pornografiia taratatyn, ekstremizmdi, esirtkini, zorlyq-zombylyqty nasihattaityn, qarý-jaraq satýdy kózdeitin 4,5 myńǵa jýyq sheteldik zańǵa qaishy internet resýrs anyqtaldy», - dedi komitet tóraǵasy Ishki ister ministrliginde ótken baspasóz máslihaty barysynda.
Komitet basshysy aqtalǵan aqparattardyń barlyǵy «Kiberqadaǵalaý» arnaýly aqparattyq júiesine engizilip, qazaqstandyq qoldanýshylar úshin buǵattalatyndyǵyn aitty.
«Atalǵan resrýstardyń 1143-i buǵattaldy. Olardyń qatarynda pornografiialyq materildar taratatyn - 1 031, ekstremizmdi nasihattaityn - 94, esirtkini nasihattaityn 8 resýrs bar. Sonymen qatar 10 internet kazino qyzmetine tosqaýyl qoiyldy», - dedi Murat Baimuqashev.
