بيىل 4,5 مىڭعا جۋىق دەسترۋكتيۆتٸ ينتەرنەت-كونتەنت انىقتالدى. بۇل تۋرالى قر ٸٸم ەكٸمشٸلٸك پوليتسييا كوميتەتٸنٸڭ تٶراعاسى مۇرات بايمۇقاشەۆ مەلٸم ەتتٸ, دەپ حابارلايدى "ۇلت اقپارات".
«دەسترۋكتيۆتٸ ينتەرنەت-كونتەنتتٸڭ بالالارعا ىقپالىن شەكتەۋگە باعىتتالعان ناقتى جۇمىس تا جٷرگٸزٸلٸپ جاتىر. وسى جىلدىڭ ٶزٸندە پورنوگرافييا تاراتاتىن, ەكسترەميزمدٸ, ەسٸرتكٸنٸ, زورلىق-زومبىلىقتى ناسيحاتتايتىن, قارۋ-جاراق ساتۋدى كٶزدەيتٸن 4,5 مىڭعا جۋىق شەتەلدٸك زاڭعا قايشى ينتەرنەت رەسۋرس انىقتالدى», - دەدٸ كوميتەت تٶراعاسى ٸشكٸ ٸستەر مينيسترلٸگٸندە ٶتكەن باسپاسٶز مەسليحاتى بارىسىندا.
كوميتەت باسشىسى اقتالعان اقپاراتتاردىڭ بارلىعى «كيبەرقاداعالاۋ» ارناۋلى اقپاراتتىق جٷيەسٸنە ەنگٸزٸلٸپ, قازاقستاندىق قولدانۋشىلار ٷشٸن بۇعاتتالاتىندىعىن ايتتى.
«اتالعان رەسرۋستاردىڭ 1143-ٸ بۇعاتتالدى. ولاردىڭ قاتارىندا پورنوگرافييالىق ماتەريلدار تاراتاتىن - 1 031, ەكسترەميزمدٸ ناسيحاتتايتىن - 94, ەسٸرتكٸنٸ ناسيحاتتايتىن 8 رەسۋرس بار. سونىمەن قاتار 10 ينتەرنەت كازينو قىزمەتٸنە توسقاۋىل قويىلدى», - دەدٸ مۇرات بايمۇقاشەۆ.
