Biyl jańartylǵan energiia kózderi salasynda 23 joba iske asyrylady. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
«Elektr energetikasyn damytý boiynsha 2020 jylǵy 7 jeltoqsanda qabyldanǵan manevrlik generatsiia qurylysyn yntalandyrý jónindegi zań normalaryn iske asyrý maqsatynda ministrlik biyl Qyzylorda, Túrkistan jáne Almaty oblystarynda aýktsiondyq saýda-sattyq tetigin qoldaný arqyly 3 jobany irikteidi. Bul tetik manevrlik generatsiia qurylysyna serpin berýge jáne tutynýshylar úshin baǵalarǵa eń az áser etetin neǵurlym tiimdi jobalardy tańdaýǵa múmkindik beredi. Shamamen 870 mln AQSh dollary somasyna investorlardy irikteý kútiledi»,- dedi ministr.
Onyń atap ótýinshe, jańartylǵan energiia kózderi salasynda biyl jalpy qýaty 381 MVt bolatyn 23 joba iske asyrylyp, shamamen 370 mln dollar investitsiia tartý josparlanǵan.
«Biyl shamamen 3,5 mlrd kVt/saǵat jańartylatyn energiia óndirý josparlanyp otyr», - dedi Nurlan Noǵaev.
