QR Aqparat jáne qoǵamdyq damý ministri Darhan Qydyráli Mańǵystaý jastarymen kezdesýde aldaǵy jeltoqsanda 33 jasqa «Táýelsizdik urpaqtary» granty tapsyrylatynyn aitty. Grant «Ǵylym», «Mádeniet», «Aqparattyq tehnologiialar, «Biznes», «Media» baǵyttary boiynsha beriledi.
«Táýelsizdik urpaqtary» granty 2021 jyldan beri Prezident tapsyrmasymen júzege asyrylyp keledi. Jeńimpazdardyń negizgi bóligi óńirlerdiń qarapaiym jastary ekenin atap ótý kerek.
Sonymen qatar 10 nominatsiia boiynsha berilip kele jatqan «Daryn» memlekettik jastar syilyǵy iegerleriniń de aty-jóni jýyrda belgili boldy. Bul týraly jaqynda Úkimen qaýlysy shyqqan bolatyn.
Aqtaýda Zhas Project forýmyna qatysqan QR Aqparat jáne qoǵamdyq damý ministri Darhan Qydyráli «Otyz jyl ishinde 300-den astam jas «Daryn» syilyǵynyń iegeri atandy. Munyń ishinde mańǵystaýlyq jas talanttar da bar», - dedi.
