Biyl 2,6 mln aýyl turǵyny meditsinalyq kómek alady. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«19 sáýirdegi jaǵdai boiynsha elimizdegi statsionarlarda 14 147 naýqas em alýda. Onyń ishinde 775 adam nemese 5 paiyzy reanimatsiiada aýyr jáne óte aýyr jaǵdaida jatyr. Jaǵdaiy aýyr naýqastardyń 32 paiyzy Almaty qalasynyń, 13 paiyzy Nur-Sultan qalasynyń, 6 paiyzy Almaty oblysynyń turǵyndary», - dedi ministr.
Onyń atap ótýinshe, 2021 jyly jyljymaly meditsinalyq kesheni elimizdiń 2 myńnan astam shalǵaida ornalasqan eldi mekenderin aralaityn bolady. Osy is-sharanyń arqasynda 2,6 mln turǵyn meditsinalyq kómekpen qamtylatyndyǵy josparlanǵan.
«Aýyl turǵyndary úshin vaktsinatsiianyń qoljetimdiligin arttyrý maqsatynda vaktsina salý jyljymaly meditsinalyq keshenderdi qoldaný arqyly uiymdastyrylatyn bolady», - dedi Aleksei Tsoi.
