بيىل 2,6 ملن اۋىل تۇرعىنى مەديتسينالىق كٶمەك الادى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«19 سەۋٸردەگٸ جاعداي بويىنشا ەلٸمٸزدەگٸ ستاتسيونارلاردا 14 147 ناۋقاس ەم الۋدا. ونىڭ ٸشٸندە 775 ادام نەمەسە 5 پايىزى رەانيماتسييادا اۋىر جەنە ٶتە اۋىر جاعدايدا جاتىر. جاعدايى اۋىر ناۋقاستاردىڭ 32 پايىزى الماتى قالاسىنىڭ, 13 پايىزى نۇر-سۇلتان قالاسىنىڭ, 6 پايىزى الماتى وبلىسىنىڭ تۇرعىندارى», - دەدٸ مينيستر.
ونىڭ اتاپ ٶتۋٸنشە, 2021 جىلى جىلجىمالى مەديتسينالىق كەشەنٸ ەلٸمٸزدٸڭ 2 مىڭنان استام شالعايدا ورنالاسقان ەلدٸ مەكەندەرٸن ارالايتىن بولادى. وسى ٸس-شارانىڭ ارقاسىندا 2,6 ملن تۇرعىن مەديتسينالىق كٶمەكپەن قامتىلاتىندىعى جوسپارلانعان.
«اۋىل تۇرعىندارى ٷشٸن ۆاكتسيناتسييانىڭ قولجەتٸمدٸلٸگٸن ارتتىرۋ ماقساتىندا ۆاكتسينا سالۋ جىلجىمالى مەديتسينالىق كەشەندەردٸ قولدانۋ ارقىلى ۇيىمداستىرىلاتىن بولادى», - دەدٸ الەكسەي تسوي.
