Búgin Ortalyq kommýnikatsiialar qyzmetinde QR Densaýlyq saqtaý vitse-ministri Ajar Ǵiniiat Qazaqstanda salynatyn meditsinalyq nysandar týraly aitty, dep habarlaidy QazAqparat.
«Densaýlyq saqtaý ministrligi júieli túrde halyqtyń densaýlyq kórsetkishin jaqsarý úshin tiisti sharalardy qabyldap jatyr.
Birinshiden, halyqqa meditsinalyq-sanitariialyq alǵashqy kómek (MSAK) erekshe ról atqarady, qazirgi tańda ony 7 myńnan astam MSAK uiymy kórsetip keledi (onyń ishinde 2 991 meditsinalyq pýnkt, 836 feldsherlik-akýsherlik pýnkt, 1 379 dárigerlik ambýlatoriia jáne 2 182 emhana).
MSAK uiymdarynda shamamen 10 myń dáriger jáne 28 myń orta meditsinalyq qyzmetker, onyń ishinde 47 paiyzy aýyldyq jerde jumys isteidi», - vitse-ministr Ortalyq kommýnikatsiialar qyzmetinde.
Onyń aitýynsha qabyldanǵan sharalarǵa qaramastan, sheshilýi qajet máseleler bar.
«Osyǵan bailanysty Densaýlyq saqtaý ministrligi biyldyń 25 aqpanynda halyqtyń qalyń tobyna, onyń ishinde aýyldyq jerlerde turatyndarǵa barynsha utqyrlyq pen qoljetimdilik jaǵyna 2021 - 2025 jyldarǵa arnalǵan meditsinalyq-sanitariialyq alǵashqy kómek kórsetýdi jaqsartý jónindegi sharalar josparyn bekitti», - dedi Ajar Ǵiniiat.
Onyń sózine qaraǵanda, baǵdarlama aiasynda 5 jylda 487-den astam jańa MSAK obektileri salynady jáne osy 2021 jyly 211 nysannyń qurylysy josparlanýda, onyń ishinde 83 meditsinalyq pýnkt, 70 feldsherlik-akýsherlik pýnkt, 57 dárigerlik ambýlatoriia jáne 1 emhana qamtylady.
