بٷگٸن ورتالىق كوممۋنيكاتسييالار قىزمەتٸندە قر دەنساۋلىق ساقتاۋ ۆيتسە-مينيسترٸ اجار عينييات قازاقستاندا سالىناتىن مەديتسينالىق نىساندار تۋرالى ايتتى, دەپ حابارلايدى قازاقپارات.
«دەنساۋلىق ساقتاۋ مينيسترلٸگٸ جٷيەلٸ تٷردە حالىقتىڭ دەنساۋلىق كٶرسەتكٸشٸن جاقسارۋ ٷشٸن تيٸستٸ شارالاردى قابىلداپ جاتىر.
بٸرٸنشٸدەن, حالىققا مەديتسينالىق-سانيتارييالىق العاشقى كٶمەك (مساك) ەرەكشە رٶل اتقارادى, قازٸرگٸ تاڭدا ونى 7 مىڭنان استام مساك ۇيىمى كٶرسەتٸپ كەلەدٸ (ونىڭ ٸشٸندە 2 991 مەديتسينالىق پۋنكت, 836 فەلدشەرلٸك-اكۋشەرلٸك پۋنكت, 1 379 دەرٸگەرلٸك امبۋلاتورييا جەنە 2 182 ەمحانا).
مساك ۇيىمدارىندا شامامەن 10 مىڭ دەرٸگەر جەنە 28 مىڭ ورتا مەديتسينالىق قىزمەتكەر, ونىڭ ٸشٸندە 47 پايىزى اۋىلدىق جەردە جۇمىس ٸستەيدٸ», - ۆيتسە-مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا قابىلدانعان شارالارعا قاراماستان, شەشٸلۋٸ قاجەت مەسەلەلەر بار.
«وسىعان بايلانىستى دەنساۋلىق ساقتاۋ مينيسترلٸگٸ بيىلدىڭ 25 اقپانىندا حالىقتىڭ قالىڭ توبىنا, ونىڭ ٸشٸندە اۋىلدىق جەرلەردە تۇراتىندارعا بارىنشا ۇتقىرلىق پەن قولجەتٸمدٸلٸك جاعىنا 2021 - 2025 جىلدارعا ارنالعان مەديتسينالىق-سانيتارييالىق العاشقى كٶمەك كٶرسەتۋدٸ جاقسارتۋ جٶنٸندەگٸ شارالار جوسپارىن بەكٸتتٸ», - دەدٸ اجار عينييات.
ونىڭ سٶزٸنە قاراعاندا, باعدارلاما اياسىندا 5 جىلدا 487-دەن استام جاڭا مساك وبەكتٸلەرٸ سالىنادى جەنە وسى 2021 جىلى 211 نىساننىڭ قۇرىلىسى جوسپارلانۋدا, ونىڭ ٸشٸندە 83 مەديتسينالىق پۋنكت, 70 فەلدشەرلٸك-اكۋشەرلٸك پۋنكت, 57 دەرٸگەرلٸك امبۋلاتورييا جەنە 1 ەمحانا قامتىلادى.
