QR Indýstriia jáne infraqurylymdyq damý ministrligi indýstriialyq damý komitetiniń qara metallýrgiia basqarmasynyń basshysy Janat Igisinov qoimalarda qansha kómir qalǵanyn aitty, dep habarlaidy QazAqparat.
«Biylǵy qańtar-tamyz aralyǵynda 69,2 mln tonna kómir óndirildi. Bul jerde kómir kontsentratyn qosyp otyrǵan joqpyz. Ótken jyldyń tiisti kezeńimen salystyrǵanda 100,1 paiyzdy quraidy. Byltyr osy aralyqta 69 mln tonna óndirilgen bolatyn. Operativti derekter boiynsha, energiia óndirýshi kásiporyndarǵa 39,1 mln tonna kómir jóneltildi. Bul - byltyrǵy kezeńmen salystyrǵanda 4,5 paiyz kóp. Ónerkásip kásiporyndarynda 4,2 mln tonna, kommýnaldyq-turmystyq qajettilikterge jáne halyqqa 5 mln tonna kómir jóneltildi. Eksport 19,4 mln tonnany qurady», - dedi ol ortalyq kommýnikatsiialar qyzmetinde ótken brifingide.
Onyń aitýnysha, qoimadaǵy kómirdiń qazirgi qory - shamamen 1,5 mln tonna bolady.
«Pavlodar, Qaraǵandy jáne Shyǵys Qazaqstan oblystarynda iri kómir óndirýshi kompaniialarda óndiristiń ósimi baiqalady. Mysaly, «Bogatyr» kómir kenishinde 4,5 paiyz ósim bar. «Shubarkól» kómir kompaniiasynda - 9,5 paiyz, «Qarajyra» kompaniiasynda - 7,4 paiyz ósim bar», - dedi ministrlik ókili.
