Foto: Pexels.com
Búginde Qazaqstan kolledjderi metallýrgiia, mashina jasaý, kólik, energetika, IT, qurylys jáne injeneriia siiaqty ekonomikanyń 15 negizgi baǵyty boiynsha mamandar daiarlaýda, dep habarlaidy Ult.kz.
2024–2025 oqý jylynyń qorytyndysy boiynsha eldegi tehnikalyq jáne kásiptik bilim berý júiesin 170 myńnan astam stýdent támamdaidy. Olardyń ishinde 123 myńy – jumysshy mamandyqtary boiynsha, 27 myńy – dýaldy oqytý júiesi arqyly, al 10 myńnan astamy – kásiporyndardyń maqsatty tapsyrysy boiynsha bilim aldy. Jumyspen qamtý kórsetkishi 81%-dy qurady.
Memleket basshysynyń tapsyrmasy boiynsha biylǵy 1 qyrkúiekten bastap suranysqa ie tehnikalyq mamandyqtar boiynsha oqytý tolyqtai tegin bolady. Memlekettik granttardyń 70%-y dál osy tehnikalyq baǵyttarǵa bólinedi. Budan bólek, kásiporyndardyń ótinimderi boiynsha shamamen 10 myń stýdent bilim alady.
