Biyl elimizde 148 aýyl ortalyqtanyrylǵan sýmen jabdyqtaý jelisimen qamtylady. Bul týraly QR Indýstriia jáne infraqurylymdyq damý birinshi vitse-ministri Qaiyrbek Óskenbaev aitty, dep habarlaidy QazAqparat.
«Elimizde jalpy 6 316 aýyl bar. Onyń ishinde 3 991 aýyl ortalyqtandyrylǵan sýmen jabdyqtaý jelisimen qamtamasyz etilse, 403 aýylda keshendi blok-modýlder ornatylǵan. Qamtylmaǵan 1 922 aýyldyń 793-ine ortalyqtandyrylǵan sýmen jabdyqtaý jelisin salýdy jalǵastyrý josparlanyp otyr. Al 1 129 aýylda sý tazalaý derbes jelisi ornatylatyn bolady. Biyl 148 aýyl ortalyqtandyrylǵan sýmen jabdyqtaý jelisimen qamtamasyz etiledi jáne turǵyndary az 220 aýylda keshendi blok-modýlder ornatylady», - dedi ol Májilistegi dóńgelek ústel barysynda.
Birinshi vitse-ministrdiń dereginshe, 2021-2024 jyldarǵa arnalǵan respýblikalyq biýdjetten 181 mlrd teńge qoldaý tapqan. Bul qarajat 284 aýyldy ortalyqtandyrylǵan sýmen jabdyqtaý jelisimen qamtamasyz etýge múmkindik beredi.
«Buǵan qosa, 20,6 myń turǵyny bar 56 aýylda Ekologiia, geologiia jáne tabiǵi resýrstar ministrligi jelisi arqyly aýylishilik sýmen jabdyqtaý jelisin salý jalǵasady. Qarajatty tiimdi jumsaý maqsatynda 200-den az adamturatyn 1 129 aýylda sý tazalaý jelisi ornatylatyn bolady», - dedi Qaiyrbek Óskenbaev.
