Soltústik Qazaqstan oblysynda jyl basynan beri 2886 otbasy shańyraq kóterse, solardyń 153-sheteldik azamattarmen nekelerin qiǵan, dep habarlaidy "Ult aqparat".
SQO Ádilet departamenti baspasóz qyzmetiniń málimetinshe, turmys quratyn qyzdardyń ortasha jasy 29 bolsa, jigitter qazir negizinen orda buzar jasqa kelgende ǵana úilenýge niettenedi eken, iaǵni 31 jasynda shańyraq kóterýge ázir.
Sondai-aq, oblysta erli-zaiypty atalǵandardyń eń jasy - 16-da bolsa, endi bir soltústikqazaqstandyq 78 jasynda otbasyn qurǵan. Ókinishke orai, ajyrasýlar azaimai otyr. Byltyr 2003 otbasynyń shańyraǵy ortasyna túsken. Biyl on aidyń ishinde AHAT organdary 1711 juptyń ótinishterine bailanysty nekesin buzǵan. Mundai qadamǵa jańadan úilengender emes, ómirdiń ystyq-sýyǵyn birge kórip úlgergender barady eken. Olardyń ortasha jasy - 36-38-de.
